Ուղղաթիռը մինչեւ խոցվե՞լն էր դժվարին դրության մեջ հայտնվել

«Միասնություն 2014» զորավարժությունների ժամանակ ՀՀ նախագահ Սերժ Սարգսյանն իր խոսքում նշեց, որ Ադրբեջանի կողմից խոցված ուղղաթիռը հայտնվել էր «դժվարին դրության մեջ» եւ իրենից վտանգ չէր ներկայացնում:

Yerkir.am-ի հետ զրույցում, մեկնաբանելով Սերժ Սարգսյանի այդ հայտարարությունը, ԱԺ ՀՀԿ խմբակցության պատգամավոր Մանվել Գրիգորյանը նշեց, որ, դժվարին դրություն ասելով, Սերժ Սարգսյանի նկատի ուներ, որ ուղղաթիռը «կրակոցների մեջ է հայտնվել», ու հայկական կողմը չի կարողանում օգնել:

Մեր ճշտող հարցին` այսինքն` ուղղաթիռը մինչև խոցվելն էր հայտնվել դժվարին իրավիճակում, Մանվել Գրիգորյանը չկարողացավ հստակ պատասխան տալ. «Ոչ, խոցվելուց հետո, էդ պահի մասին ա խոսքը, ինձ թվում ա»: