Արթնացրել են քնից, տարել գյուղի գերեզմանոց ու դաժան ծեծի ենթարկել. «Ժողովուրդ»

«Ժողովուրդ»-ը  գրում է. «Սեպտեմբերի 21–ին Կոտայքի մարզի Քասախ համայնքում կայացած ավագանու արտահերթ ընտրությունների շուրջ կրքերը դեռ չեն հանդարտվում: Սա այն նույն համայնքն է, որտեղ նախորդ տարվա սեպտեմբերի 14-ից համայնքի ավագանու նիստերը չէին կայանում, քանի որ ավագանու ԲՀԿ անդամները բոյկոտում էին դրանք: Արդյունքում գյուղում ավագանու նոր ընտրություններ նշանակվեցին:

Թերթը տեղեկացավ, որ համայնքի ավագանու անդամի թեկնածու, ԺՈՒԿ ներկայացուցիչ Վիգեն Դավթյանը ցանկացել է ԲՀԿ ավագանու անդամների և ակտիվիստների՝ Նորիկի և Վաղինակի թույլ տված ապօրինությունների մասին տեղյակ պահել ԲՀԿ նախագահ Գագիկ Ծառուկյանին, ինչը ծանր է նստել նրա վրա: Ավագանու ԲՀԿ անդամներն ու ակտիվիստները նոյեմբերի 12-ին՝ ժամը 01:00-ի մոտ գնացել են Վիգեն Դավթյանի տուն, արթնացրել քնից, տարել գյուղի գերեզմանոց ու դաժան ծեծի ենթարկել: Վիգենը մի կերպ հասել է իր բարեկամի տուն, ապա տեղափոխվել հիվանդանոց»:

Մանրամասն՝ թերթի այսօրվա համարում: