Գերմանական դասագրքում շան անունը Էրդողան են դրել (լուսանկար)

Դիվանագիտական սկանդալ է հասունացել գերմանական Ֆրեդրիշաֆեն քաղաքի ուսումնարանի դասագրքում շան անունը Էրդողան դնելու պատճառով:

Ըստ Turkiyegazetesi-ի՝ դասագրքում հայտնված ծաղրանկարի համար Թուրքիայի ԱԳ նախարարությունը կանչել է երկրում Գերմանիայի դեսպան Էբերհարդ Փոլին և այդ մասին նրանից բացատրություն պահանջել:

Այդ մասին հայտարարությամբ է հանդես եկել հայտնի սպորտային  «Dostlukspor» ակումբի նախագահ Նուրի Այը: «Աննորմալ երևույթ է դասագրքում` ծաղրանկարում, Թուրքիայի նախագահին որպես շուն նկարելն ու շան տնակի վրա նրա անունը տեղադրելը: Դասագրքում ծաղրանկարի տակ «Այս նկարը վերցված է Frankfurter Allgemeine Zeitung պարբերականից» գրելով` պատասխանատվությունից չես խուսափի»,- ասել է նա: