28-ամյա հրամանատարը զինվորներից գումար է հավաքել

Պաշտպանության բանակի հրամանատարը զինվորներից վերցրել է նրանց հասանելիք դրամական բավարարումները՝  կենցաղային իրեր գնելու պատճառաբանությամբ. հայտնում է «Փաստինֆոն»:

«Ըստ մեղադրանքի՝ ՊԲ N զորամասի զինծառայող, հրաձգային վաշտի հրամանատար, կոչումով կապիտան 28-ամյա Ֆրունզե Հակոբյանը մարտական հերթապահության մեկնելու նախորդող օրերին զինծառայողների համար կենցաղային իրեր գնելու պատճառաբանությամբ, յուրաքանչյուր ամիս իր հրամանատարության տակ գտնվող զինծառայողների շրջանում անց է կացրել դրամահավաք. հավաքագրել է վերջիններիս ստացած ամսական դրամական բավարարման գումարները, որի արդյունքում ստացել է 674 000 ՀՀ դրամ:

Ըստ գործի նյութերի՝ Հակոբյանը դասակների հրամանատարներ, ավագ լեյտենանտ Հարություն Մարտիրոսյանին և լեյտենանտ Արայիկ Հովհաննիսյանին է հանձարարել հավաքագրել զինծառայողների դրամական գումարները:
Համաձայն ստացված հանձնարարության՝ Հարություն Մարտիրոսյանը կարգադրել է Արայիկ Հովհաննիսյանին հավաքագրել դրամական բավարարման գումարները, որը վերջինս կատարել է սերժանտներ Ս.Մագոյանի, Ա.Ավագյանի և Եգոր Հովհաննիսյանի միջոցով»,- գրում է կայքը:

Մանրամասն՝ սկզբնաղբյուրում: