Ադրբեջանի ԱԳ նախարարը՝ Սարգսյան-Ալիեւ հանդիպման մասին

Փարիզյան հանդիպման ժամանակ բանակցություններն անցել են մի քանի փուլով, որոնց ընթացքում քննարկվել են այնպիսի հարցեր, որոնց շուրջ դեռ չի հաջողվում հասնել առաջընթացի: Այդ մասին Trend-ին ասել է Ադրբեջանի ԱԳՆ ղեկավար Էլմար Մամեդյարովը՝ մեկնաբանելով  հոկտեմբերի 27-ին Փարիզում կայացած` Հայաստանի ու Ադրբեջանի նախագահների  հանդիպումը: 

«Նախագահների մակարդակով յուրաքանչյուր հանդիպում, ընդհանուր առմամբ, դրական է: Նման հանդիպումները նպաստում են հակառակ կողմի տրամադրվածությունը հասկանալուն՝  հակամարտության կարգավորման գործընթացում առաջընթաց գրանցելու նպատակով: Փարիզյան հանդիպման ժամանակ բանակցություններն անցել են մի քանի փուլով, որոնց ընթացքում քննարկվել են այնպիսի հարցեր, որոնց շուրջ դեռ չի հաջողվում հասնել առաջընթացի»,- ասել է նա: