Բանդայի գործով դատավորը հրապարակեց որոշումը

Քիչ առաջ բանդայի գործով դատավոր Մեսրոպ Մակյանը վերադարձավ խորհրդակցական սենյակից և մերժեց գործով ամբաստանյալ Սամվել Դավթյանի պաշտպան Կարեն Հակոբյանի և ամբաստանյալ Արտուշ Հակոբյանի պաշտպան Հովիկ Արսենյանի` կրկնակի դատամատնադրոշմային և դատաքիմիական փորձաքննություն նշանակելու վերաբերյալ միջնորդությունը:

Հիշեցնենք, որ այսօրվա նիստում ամբաստանյալ Սամվել Դավթյանի համար շտապօգնության բրիգադ հրավիրեցին: Նրա պաշտպան Կարեն Հակոբյանը հայտնեց, որ իր պաշտպանյալն ի վիճակի չէ մասնակցել դատական նիստին, և միջնորդեց հետաձգել այն:

Դատավորը հաստատեց, որ ամբաստանյալը գլխացավեր ուներ, և բժիշկները նրան դեղեր են ներարկել: Նա բավարարեց միջնորդությունը և հաջորդ դատական նիստը նշանակեց հոկտեմբերի 22-ին: