Ուզում եմ ժամանակ առ ժամանակ Հայաստանում բնակվելու և ստեղծագործելու հնարավորություն ունենալ. Ռիշար Ժերանյան

ՀՀ մշակույթի նախարար Հասմիկ Պողոսյանն ընդունել է հայտնի նկարիչ Ռիշար (Խաչատուր) Ժերանյանին: Զրույցի ընթացքում ֆրանսահայ նկարիչը նախարար Հ. Պողոսյանին հայտնել է իր ստեղծագործությունները Գյումրիի «Մարիամ և Երանուհի Ասլամազյան քույրեր» պատկերասրահին նվիրելու ցանկության մասին:

«Ուզում եմ նաև ժամանակ առ ժամանակ Հայաստանում բնակվելու և ստեղծագործելու հնարավորություն ունենալ»,- ավելացրել է արվեստագետը:

Ռիշար (Խաչատուր) Ժերանյանը ծնվել է 1921-ին Սեբաստիա քաղաքում և յոթ տարեկանից բնակվում է Ֆրանսիայում: Ռ. Ժերանյանը ստեղծել է հիմնականում ռեալիստական բնապատկերներ, նատյուրմորտներ, գրաֆիկական կոմպոզիցիաներ, կանանց մարմնապատկերներ։ Ժերանյանի արվեստում որոշակի տեղ ունեն հայրենի բնությունն ու հուշարձանները։