Տիգրան Համասյանի երազանքներից մեկն էլ կյանքի կկոչվի

Հոկտեմբերի 28-ին Ալ. Սպենդիարյանի անվան օպերայի և բալետի ազգային ակադեմիական թատրոնում համերգով հանդես կգա անվանի ջազ դաշնակահար Տիգրան Համասյանը:

Yerkir.am-ի հետ զրույցում համերգի կազմակերպիչ, «TM Production»-ի տնօրեն Թովմաս Մարտիրոսյանը հայտնեց, որ Համասյանը Հայաստան է գալիս իր խմբով` Սեմ Մինայի /բաս-կիթառ/, Արթուր Հնաթեքի /թմբկահար/ հետ:

«Համերգին կհնչեն Համասյանի ջազային գործերը` հին ու նոր: Ի դեպ, Համասյանն առաջին անգամ է ելույթ ունենալու օպերայի բեմում, և դա նրա երազանքն էր»,- ասաց Մարտիրոսյանը` հավելելով, որ Համասյանին կենդանի հնչողությամբ լսելու պահանջարկը գնալով ավելանում է:

Համերգի տոմսերն արդեն վաճառքում են` 5000-20 000 դրամ արժողությամբ: