Արեք այնպես, ինչպես ասաց ձեր գեներալներից մեկը. բողոքի երթը հասավ ԱԺ

«Դուրս մեր գրպանից» քաղաքացիական նախաձեռնությունն այսօր բողոքի երթ անցկացրեց Երևանում` դարձյալ բողոքելով կարմիր գծերի, ԴԱՀԿ-ի և այն պատգամավորների դեմ, որոնք ընդունել են վարորդների գրպանները թալանող օրենքներ:

Նախաձեռնությունը բողոքի երթը սկսել էր Պարոնյան փողոցից, սակայն ոստիկանները խոչընդոտել էին նրանց երթին: Նախաձեռնության անդամները, չկարողանալով շարունակել երթը մեքենաներով, ստիպված ոտքով հասնել են Ազգային ժողով` նաև այնտեղ բարձրացնելու իրենց բողոքի ձայնը: Նրանք բարձրախոսով ներկայացրեցին իրենց բողոքի բովանդակությունը և իրենց պահանջները, այն է` հարկային համաներում:

«Մեկ անգամ արեք այնպես, ինչպես ասաց ձեր գեներալներից մեկը` եկեք` մի անգամ էլ ժողովրդի մասին մտածեք»,- ասացին նախաձեռնության անդամները: