Հրաձգություն. Ռազմիկ Մինասյանը՝ աշխարհի երիտասարդական առաջնության բրոնզե մեդալակիր

Արդեն տեղեկացրել ենք, որ Իսպանիայի Գրանադա քաղաքում ընթացող  հրաձգության աշխարհի երիտասարդական առաջնությունում Հայաստանը ներկայացնող Լիլիթ Մկրտչյանը նվաճել է աշխարհի փոխչեմպիոնի կոչումը:

Վազող թիրախ (30+30 կրակոց)  մրցաձևում 12 տղաների պայքարում  կիսաեզրափակիչ են անցել ամենաբարձր արդյունքը ցույց տված 4 մարզիկները`    Ֆինլանդիան ներկայացնող  2 հրաձիգներ՝ Յանի Սուորանտան` 568 միավորով, և Միկա Կինիսիավին ` 562 միավորով գրավել են, համապատասխանաբար, 1-ին և 2-րդ տեղերը: 3-րդը` Ռազմիկ Մինասյանն է՝ 555 միավորով, իսկ քառյակը եզրափակում է Շանթ Սարգսյանը 283 միավորով:

Կիսաեզրափակիչում Շանթ Սարգսյանն (5:7) ու Ռազմիկ Մինասյանը (0:6) պարտություն են կրել ֆին մարզիկներից և շարունակել պայքարն իրար դեմ: Եզրափակիչում Ռազմիկը   հաղթել է Շանթին 6:1 հաշվով և արժանացել բրոնզե մեդալի: Չեմպիոնի տիտղոսին է արժանացել Յանի Սուորանտան, իսկ փոխչեմպիոնի` Միկա Կինիսիավին:

Թիմային հաշվարկով Հայաստանը զբաղեցրեց 3-րդ հորիզոնականը:

Հիշեցնենք, որ, բացի վերջին նվաճած արծաթե, բրոնզե և թիմային բրոնզե մեդալներից, Հայաստանը նախորդ օրերի վարժություններից նվաճել էր անհատական արծաթե և թիմային բրոնզե մեդալներ: