Դեպարտամենտի հասարակայնության հետ կապերի ծառայության պետի պաշտոնը թափուր է

ՀՀ դատական դեպարտամենտի միջազգային համագործակցության և հասարակայնության հետ կապերի ծառայության ավագ մասնագետ, դատական ծառայության երկրորդ դասի խորհրդական Արման Խաչատրյանը, իր դիմումի համաձայն, ազատվել է աշխատանքից:

Yerkir.am-ի տեղեկություններով` Խաչատրյանը պաշտոն է ստանալու ՀՀ արդարադատության նախարարությունում: Ավելի վաղ տեղեկություններ էին շրջանառվում, որ Ա. Խաչատրյանը կնշանակվի հիշյալ ծառայության պետ, սակայն ներկայումս այդ պաշտոնը թափուր է:

Հիշեցնենք, որ ծառայության նախկին պետ Արսեն Բաբայանը նշանակվել է ՀՀ ԱԺ հասարակայնության և տեղեկատվության միջոցների հետ կապերի վարչության պետ:

Ի դեպ, ԱԺ-ում տեղեկություններ են շրջանառվում, որ նրա թեկնածությունն այդ պաշտոնին առաջարկել է ԱԺ աշխատակազմի ղեկավար, ՀՀ արդարադատության նախկին նախարար Հրայր Թովմասյանը: