Պետական պարտքն ավելանում է

Այսօր ԱԺ նիստում քվեարկության դրվեցին և ընդունվեցին ՀՀ և Միջազգային զարգացման ընկերակցության միջև ստորագրված համաձայնագրերը, որոնցով ՀՀ-ն վարկեր է վերցնում կրթության ոլորտի բարեփոխումների համար:

Վարման կարգով ելույթ ունենալով` ՀԱԿ խմբակցության քարտուղար Արամ Մանուկյանը նշեց, որ թեև վարկ վերցնելու նպատակը բարի է, սակայն, ելնելով այն բանից, որ ՀՀ պետական պարտքն անցնում է թույլատրելի սահմանը, նաև այն հանգամանքը, որ վարկերը շատ հաճախ իրենց նպատակին չեն ծառայում, ՀԱԿ խմբակցությունը քվեարկելու է ձեռնպահ:

ԱԺ ԲՀԿ խմբակցության քարտուղար Նաիրա Զոհրաբյանն էլ նշեց, որ ԲՀԿ խմբակցությունը դեմ է քվեարկելու այդ համաձայնագրերին, քանի որ ԲՀԿ-ի համար ընդունելի չէ, որ վարկային պարտավորությունները հետևողականորեն ավելացվում են, ինչը նպաստում է ՀՀ պետական պարտքի մեծացմանը, որը հասնում է 5 միլիարդի սահմանագծին: