Էբոլա վիրուսը սպառնում է Լիբերիայի գոյությանը. 2296 մարդ է մահացել

Լիբերիան բախվել է իր գոյությանը սպառնացող «լուրջ վտանգի հետ». էբոլա մահացու վիրուսը տարածվում է «անտառային հրդեհի նման»: Այդ մասին  հայտարարել է երկրի պաշտպանության նախարար Բրաունի Սամուկայը. գրում է BBC Russian‎-ը:

Նախարարը, ելույթ ունենալով ՄԱԿ-ի Անվտանգության խորհրդի անդամների առջև, միջազգային հանրության արձագանքը միանգամայն զուսպ է անվանել:

Նրա խոսքերով` վիրուսի դեմ պայքարելու համար Լիբերիան չունի ո'չ ենթակառուցվածքային հնարավորություններ, ո'չ մասնագետներ, ո'չ էլ ֆինանսական ռեսուրսներ:

Առողջապահության համաշխարհային կազմակերպությունը հաղորդել էր, որ Արևմտյան Աֆրիկայում էբոլա վիրուսից զոհերի թիվն աճել է` հասնելով  2296 մարդու: Հիվանդությամբ վարակված է նվազագույնը 4293 մարդ: