Հունան Պողոսյանը Չոլպոն-Աթա է մեկնում

ՀՀ վարչապետ Հովիկ Աբրահամյանի` օգոստոսի 28-ին ստորագրած որոշման համաձայն` կառավարությանն առընթեր ՀՀ ոստիկանության պետի առաջին տեղակալ Հունան Պողոսյանը 2014 թվականի սեպտեմբերի 4-6–ը կգործուղվի Չոլպոն-Աթա`Ղրղզստանի Հանրապետություն` ԱՊՀ մասնակից պետությունների ներքին գործերի նախարարների խորհրդի հերթական նիստին մասնակցելու համար:

Հունան Պողոսյանի՝ Չոլպոն-Աթա գործուղման հետ կապված ծախսերը, ըստ այդ որոշման, պետք է կատարվեն 2014 թվականի պետբյուջեով ոստիկանության համար նախատեսված միջոցների հաշվին:

Իսկ Չոլպոն-Աթա գործուղման արդյունքների մասին հաշվետվությունը Հունան Պողոսյանը պետք է կառավարության աշխատակազմ ներկայացնի գործուղումից վերադառնալուց հետո եռօրյա ժամկետում: