Կալիֆոռնիայի Նապա քաղաքում երկրաշարժից տուժածների թվում նաեւ հայեր կան

Օգոստոսի 24-ին` ժամը 03.20-ին, ԱՄՆ Կալիֆոռնիա նահանգի Նապա քաղաքից 8 կմ հարավ-արևելք տեղի է ունեցել 6 մագնիտուդով երկրաշարժ (հիպոկենտրոնը՝ մոտ 11 կմ խորության վրա):

Օգոստոսի 26-ի ժամը 06.30-ի դրությամբ երկրաշարժից տուժածների թիվը 207 է, վնասվել է 100-ից ավելի շինություն: Երկրաշարժին հետևել է 30 հետցնցում՝ 2.5 - 3.6 մագնիտուդ ուժգնությամբ:

ՀՀ ԱԻՆ ՃԿԿ-ից կապ է հաստատվել նահանգի ճգնաժամային օպերատիվ կենտրոնի (ՃՕԿ) հետ, որտեղից ստացված տեղեկատվության համաձայն՝ տուժածների թիվը շարունակում է աճել, նրանց թվում կան նաև հայեր, որոնց ինքնությունը ճշտվում է: Կալիֆոռնիայի ՃՕԿ-ի հետ պահպանվում է շարունակական կապ, հավելյալ տեղեկատվության մասին կհաղորդվի լրացուցիչ: