Հայաստանը ներկայացնող ազատ ոճի ըմբիշները ձեռնունայն են վերադառնում Զագրեբից

66 կգ քաշային կարգում այսօր ելույթ ունեցած ազատ ոճի ըմբիշ Արեն Առաքելյանը նունյպես ոչնչով աչքի չընկավ: Նա էլ իր հենց առաջին գոտեմարտում՝ 1/16-րդ փուլում, 0:6 հաշվով զիջեց ադրբեջանցի Մուրադ Սուլեյմանովին: Ադրբեջանցու առաջխաղացումն էլ քառորդ եզրափակչում կանգնեցրեց ռուսաստնցի Ռասուլ Արսանալիևը, ով մրցակցի նկատմամբ առավելության հասավ 8:5 հաշվով: Այս քաշային կարգում ոսկե մեդալը կխաղարկեն Արոն Պիկոն, ԱՄՆ և Հասան Յազդանիչարատին,Իրան:

Ինչպես արդեն հայտնել էինք 84 կգ և 120 կգ քաշային կարգերում Հայաստանը պատվիրակ չէր ներկայացրել: Այս քաշային կարգերում եզրափկիչ են մտել ու երեկոյան մրցահերթում աշխարհի չեմպիոնի տիտղոսը կվիճարկեն Առեզա Կարմիմաչիանին, Իրան և Ազամատ Դաուլետբեկովը,Ղազախստան, իսկ 120 կգ եզրափակչում կհանդիպեն Գենո Պետրիաշվիլին, Վրաստան և Ամար Դեսին,Կանադա:

Այսպիսով՝ Զագրեբում Ավետիք Վարդանյանի ղեկավարությամբ հանդես եկած ազատ ոճի Հայաստանի երիտասարդական հավաքականի 6 ներկայացուցիչներից այդպես էլ լավագույնը մնաց 96 կգ քաշային կարգում 7-րդ տեղը գրաված Վիկտոր Կազիշվիլու ցույց տված արդյունքը:

Աղբյուր՝ Wretsling.am