Եթե մեր բանակի մատը փուշ մտնի, առաջինը ես կգնամ սահման․ ԱԻ նախարար

ԱԻ նախարարը, որպես գեներալ, պատրաստ է գնալ ու պաշտպանել հայրենիքի սահմանները։

«Մեր բալիկներն են այնտեղ կանգնած սահմանը պաշտպանում, և եթե պետք եղավ, բոլորս պետք է գնանք։ Բայց կարծում եմ, որ մեր տղաներն այնտեղ պինդ կանգնած են , և եթե նախկինում պատերազմի ժամանակ ժողովուրդն էր կռվում, հիմա արդեն բանակն է կռվում։ Եթե մենք տեսնենք, որ մեր բանակի մատը փուշ է մտնում, առաջինը ես կգնամ»,- ասաց Արմեն Երիցյանը։

Նշենք, որ երեկ կառավարության նիստում ԱԻ նախարարն առաջարկել էր վարչապետին և Պաշտպանության նախարար Սեյրան Օհանյանին թույլ տալ, որպեսզի ԱԻ քաղաքացիական պաշտպանության ստորաբաժանման զորքը նույնպես գնա սահման ու կռվի զինվորների կողքին։