4,5 միլիոն դրամ` Մեղրիի տարածաշրջանին

Վաղը կառավարությունը Սյունիքի մարզպետարանին 4 միլիոն 552,2 հազար դրամ գումար կհատկացնի` Մեղրիի տարածաշրջանի գյուղատնտեսությունը զարգացնելու և բնակչության կողմից անհատական ոռոգման պոմպերով օգտագործված էլեկտրաէներգիայի արժեքը փոխհատուցելու նպատակով:

Մեղրիի տարածաշրջանի 72 շահառուների կողմից 2013թ. ընթացքում անհատական ոռոգման պոմպերով օգտագործվել է նշված` 4 միլիոն 552,2 հազար դրամ գումարի չափով էլեկտրաէներգիրա: Կառավարությունը նշում է, թե, հաշվի առնելով տարածաշրջանի ռազմավարական նշանակությունը և գյուղատնտեսական աշխատանքների բնականոն ընթացքի ապահովումը, ինչպես նաև բնակչության ցածր կենսամակարդակը, անհրաժեշտություն է առաջացել փոխհատուցելու տարածաշրջանի բնակչության անհատական ոռոգման պոմպերով օգտագործված էլեկտրաէներգիայի արժեքը:

Այս գումարը տրամադրելով` կառավարությունը ակնկալում է ապահովել Մեղրիի տարածաշրջանի գյուղատնտեսական աշխատանքների բնականոն ընթացքը և ապահովել տարածաշրջանի գյուղատնտեսության զարգացումը…