Եթե գյուղացիները բերք չեն ունենալու` ինչպե՞ս են փակելու իրենց վարկերը. վարչապետը՝ ԿԲ նախագահին

Այսօր կառավարության նիստում, երբ քննարկվում էր Շիրակի և Լոռու մարզերի` կարկտահարությունից տուժած գյուղացիներին աջակցելու հարցը, վարչապետ Հովիկ Աբրահամյանը նշեց, որ ինքն անձամբ եղել է այդ մարզերում և տեսել, որ գյուղացիներն իսկապես լուրջ վնասներ են կրել, ուստի պետք է հնարավորինս աջակցել նրանց: Նա հանձնարարեց ԿԲ նախագահ Արթուր Ջավադյանին` մարզպետների ու տարածքային կառավարման նախարար Արմեն Գևորգյանի հետ շրջայց կատարել մարզերում և հնարավորինս աջակցել գյուղացիական վարկերի մարման հարցում:

«Եթե այս տարի գյուղացիները բերք չեն ունենալու, ուրեմն ինչպե՞ս են փակելու իրենց վարկերը: Պարո'ն Ջավադյան, խնդրում եմ ըմբռնումով մոտենաք գյուղացիների վարկերի հարցին` փորձելով աջակցել գյուղացիներին»,- ասաց Հովիկ Աբրահամյանը: