Թուրքիայում Հալեպի պետհամարանիշերով մեքենայի վրա հարձակում է իրականացվել (լուսանկարներ)

Թուրքիայում շարունակվում են սիրիացի ներգաղթյալների դեմ բռնությունն ու ցույցերը:

Ըստ Haberler-ի՝ Թուրքիայի Քահրամանմարաշ (Մարաշ) քաղաքում մի խումբ փորձել է շարժվել դեպի սիրիացի ներգաղթյալների համար տեղադրված վրաններ, սակայն հանդիպել է ոստիկանության դիմադրությանը:

Դեպքից հետո ոտիկանությունը խստացրել է հսկողությունը, սակայն նույն խումբը երեկոյան դարձյալ փորձել է իր նպատակն իրագործել: Նրանք սիրիական պետհամարանիշերով մեքենայի վրա քարեր են նետել, ոտքերով հարվածել, իսկ մեկ այլ խումբ հանել է սիրիացի ներգաղթյալի ճաշարանի պատին փակցված պաստառը:

Սիրիացիների դեմ դուրս եկած ամբոխին ոստիկանությունը դժվարությամբ է ցրել: Երկու հոգի ձերբակալվել է: