Օբաման Հայաստանում ԱՄՆ նոր դեսպանի թեկնածություն է առաջադրել

ԱՄՆ նախագահ Բարաք Օբաման Ռիչարդ Միլս կրտսերի թեկնածությունն է առաջադրել Հայաստանում ԱՄՆ դեսպանի պաշտոնում: Այս մասին հայտնում է Asbarez news-ը:

Սենատի հավանության դեպքում Միլսը կփոխարինի Ջոն Հեֆերնին Հայաստանում ամերիկյան դիվանագիտական առաքելության ղեկավարի պաշտոնում:

Ռիչարդ Միլսը 2012 թվականից մինչ օրս զբաղեցնում է Բեյրութում ԱՄՆ դիվանագիտական առաքելության ղեկավարի տեղակալի պաշտոնը: Մինչ այդ նա եղել է Մալթայում ամերիկյան առաքելության ղեկավարի տեղակալը և ժամանակավոր հավատարմատարը: 1988 թվականից ի վեր Միլսն աշխատում է պետդեպարտամենտում: Եղել է Հայաստան-Ադրբեջան հարցերով զբաղվող բաժնի պետ, աշխատել Սանկտ Պետերբուրգում ԱՄՆ-ի հյուպատոսությունում:

Միլսն աշխատել է նաև Դուբլինի, Իսլամաբադի, Էր Ռիադի, Լոնդոնի եւ Բաղդադի ամերիկյան առաքելություններում: Նա լավ տիրապետում է ֆրանսերենին և ռուսերենին: