Դանակի 13 հարվածով մարդ սպանած անձին դատարանն ուղարկեց հարկադիր բուժման. անեծքներ` դատարանում

Դանակի 13 հարվածով մարդ սպանած և անմեղսունակ ճանաչված Վլադիմիր Սիաբոնդովը դատարանի որոշմամբ ուղարկվեց հարկադիր բուժման:

Սակայն տուժողի` սպանված Քյարամ Ավդոյանի հարազատները դժգոհ էին դատավճռից: Նրանք համոզված են, որ Սիաբանդովն անմեղսունակ չէ և պետք է պատիժը կրի ազատազրկմամբ: Դատավճռի հրապարակումից հետո Կենտրոն և Նորք-Մարաշ վարչական շրջանների ընդհանուր իրավասության դատարանում անեծքներ ու հիշոցներ սկսեցին տեղալ դատավճիռը կայացրած դատավորի հասցեին:

Վայրկյաններ անց ուշագնաց եղավ սպանված Քյարամ Ավդոյանի մայրը: Նրան, ծնկի իջած, օգնություն էր ցույց տալիս դատական կարգադրիչներից մեկը, որի շնորհիվ էլ, կարող ենք ասել, կինն ուշքի եկավ: Ավելի ուշ եկավ շտապօգնությունը: