Հրապարակվել է ԽՍՀՄ լրտեսների մասին տեղեկություններ պարունակող` ՊԱԿ-ի գաղտնի փաստաթղթերի արխիվը

Քեմբրիջի համալսարանը հրապարակել է  փաստաթղթերի հավաքածու, որը 1992 թվականին Ռուսաստանից դուրս է բերել ՊԱԿ-ի արխիվի նախկին աշխատակից Վասիլի Միտրոխինը: Բրիտանական և ամերիկյան հատուկ ծառայությունները Միտրոխինի արխիվը համարում են ԽՍՀՄ գաղտնի ծառայության գործունեության մասին տեղեկությունների ամենաարժեքավոր աղբյուրը. հայտնում է РБК-ն:

Փաստաթղթերը, որոնք Միտրոխինը ջանասիրաբար պատճենահանել է 12 տարիների ընթացքում, թաքցված են եղել նրա ամառանոցում՝ կաթի տարաների մեջ:

Միտրոխինի նյութերում, ի թիվս այլ բաների, եղել են խորհրդային ռազմական նախագծեր, տվյալներ, որոնք հնարավորություն են տվել բացահայտելու ամերիկացի կրկնակի գործակալ Ռոբերտ Լիպկային և բրիտանացի լրտես Մելիտա Նորվուդին: