Կադրային փոփոխություններ` զինվորական դատախազությունում

ՀՀ գլխավոր դատախազի հրամանով արդարադատության առաջին դասի խորհրդական Արտակ Կրկյաշարյանը նշանակվել է զինվորական դատախազի տեղակալ, զինվորական կենտրոնական դատախազության քրեական հետապնդման ոլորտում կայազորների զինվորական դատախազությունների գործունեությունը վերահսկող բաժնի պետ՝ ազատվելով զինվորական դատախազի տեղակալի պաշտոնից:

Գլխավոր դատախազի մեկ այլ հրամանով արդարադատության առաջին դասի խորհրդական Ներսես Միսակյանը նշանակվել է զինվորական դատախազի տեղակալ՝ ազատվելով զինվորական կենտրոնական դատախազության պետական շահերի պաշտպանության բաժնի պետի պաշտոնից:

Արդարադատության երրորդ դասի խորհրդական Ալեքսան Ղազարյանը նշանակվել է զինվորական դատախազության պետական շահերի պաշտպանության բաժնի պետ՝ ազատվելով նույն բաժնի ավագ դատախազի պաշտոնից: Այս մասին հայտնում է գլխավոր դատախազության կայքը: