Առողջապահության նախարարի արձագանքը՝ yerkir.am-ի հրապարակմանը

Առողջապահության նախարարությունը հետևյալ մամուլի հաղորդագրությունն է տարածել.

«Էլեկտրոնային լրատվամիջոցներում ՌԴ 20-ամյա քաղաքացի Մինաս Երեմյանի մահվան շուրջ տեղ գտած հրապարակումների առնչությամբ ՀՀ Առողջապահության նախարարը հանձնարարել է Առողջապահական պետական տեսչությանը տեղեկատվության հետ կապված իրականացնել ճշտումներ` պարզելու համար հրապարակումների համապատասխանությունը իրականությանը»:

Հիշեցնենք, որ yerkir.am-ը հոդված էր հրապարակել այն մասին, որ 20-ամյա Մինաս Երեմյանին, բարեկամի հավաստիացմամբ, «Արմենիա» ԲԿ-ում գլյուկոզա են ներարկել` չիմանալով, որ տղան շաքարային դիաբետ ունի: Դրանից հետո տղան վատացել է, այնտեղից տեղափոխել են «Էրեբունի» ԲԿ, որտեղ էլ մահացել է: