Ուշադրություն` անվճար կայանելու ժամանակահատվածը գործող 5 րոպեի փոխարեն կդառնա 15 րոպե

Քաղաքապետ Տարոն Մարգարյանի նախաձեռնությամբ Երևանի ավագանու առաջիկա նիստի օրակարգում ընդգրկվել է որոշման նախագիծ, համաձայն որի նախատեսվում է վճարովի ավտոկայանատեղերում առանց տեղական տուրքի գանձման (անվճար) կայանելու ժամանակահատվածը գործող 5 րոպեից դարձնել 15 րոպե:

Այս մասի տեղեկանում ենք քաղաքապետարանի պաշտոնական կայքից: Այսպիսով, հնարավորություն կընձեռվի բոլոր վարորդներին (ներառյալ` տաքսիների) նախկինի համեմատ 3 անգամ ավելի երկար ժամանակ ունենալ անվճար կայանելու համար:

Նույն նախագծով միաժամանակ նախատեսվում է նաև ընդլայնել ավտոկայանատեղի տուրքի վճարման ձևերը՝ հնարավորություն տալով հենց տեղում՝ համապատասխան տերմինալների միջոցով կատարելու վճարումները: