ԱԱ-2014. ֆրանսիացիները խնդիրներ չունեցան Հոնդուրասի հետ խաղում

Մունդիալ 2014: E խումբ. Խմբի ֆավորիտ Ֆրանսիայի հավաքականը մրցեց Հոնդուրասի հավաքականի հետ: Առաջին խաղակեսն անցավ ֆրանսիացիների բացահայտ առավելությամբ, սակայն Դեշամպի սաները միայն խաղավերջում կարողացան բացել հաշիվը: 43-րդ րոպեին Պալասիոն սեփական տուգանային հրապարակում խախտեց կանոնները Պոգբայի հետ պայքարում, ինչի արդյունքում հոնդուրասցիները պատժվեցին 11 մետրանոց հարվածով, որն անվրեպ իրացրեց Կարիմ Բենզեման: 48-րդ րոպեին Բենզեմայի հարվածից հետո դարպասապահն անփույթ գործեց, ինչի հետևանքով արձանագրվեց ինքնագոլ հենց դարպասապահի կողմից՝ 2:0: 72-րդ րոպեին Բենզեման ևս մեկ անգամ գրավեց Վալադարեսի դարպասը: