Դեղերը, պատվաստանյութերն ու վիտամինները պարտադիր կդրոշմավորվեն

Այսուհետ դեղերը, պատվաստանյութերն ու վիտամինները կներառվեն պարտադիր դրոշմավորման ենթակա ապրանքների խմբում: Կառավարությունն այսօր հաստատեց համապատասխան որոշումը:

Զեկուցող` ֆինանսների նախծարար Գագիկ Խաչատրյանը նշեց, որ, հաշվի առնելով հանգամանքը, որ ներկայումս շրջանառության մեջ առկա են չդրոշմավորված դեղերի, պատվաստանյութերի ու վիտամինների որոշակի ծավալներ, նախատեսվում է դեղամիջոցների դրոշմավորման համակարգը ներդնել աստիճանաբար, որպեսզի դրանց ներմուծմամբ եւ հետագա վաճառքով զբաղվող տնտեսվարող սուբյեկտները բավարար ժամանակ ունենան` իրենց ապրանքային մնացորդներն առանց դրոշմավորման իրացնելու համար:

Ուստի դեղերի, վիտամինների ու պատվաստանյութերի պարտադիր դրոշմավորման ժամկետները սահմանվում են` ներմուծողների եւ արտադրողների համար` 2014 թվականի հոկտեմբերի 31-ը, վերավաճառողների համար` մինչեւ 2015 թվականի հունվարի 31-ը: