Տիգրանակերտցի մարզիկին Բաքվի օդակայանից հետ են ուղարկել՝ հայկական ազգանուն կրելու պատճառով

Եվրոպայի բազկամարտի առաջնության համար Բաքու մեկնած Թուրքիան ներկայացնող տիգրանակերտցի մարզիկ Զաֆեր Նոյանին Բաքվի օդանավակայանից հետ են ուղարկել:

Ըստ Stargazete-ի՝ ադրբեջանական իշխանությունները օդանավակայանից հետ են ուղարկել մայիսի 21-ին բազկամարտի Եվրոպայի առաջնության համար Բաքու մեկնած Թուրքիայի ազգային հավաքականի 24-ամյա մարզիկ Զաֆեր Նոյանին, պնդելով, որ նա հայկական ազգանուն է կրում:

Չնայած մարզիկի երկար համոզելու ջանքերին, թե նա ո’չ հայ է, ո’չ էլ ազգանունը՝ հայկական, ադրբեջանցիները չեն համոզվել և նրան այլ օդանավով հետ են ուղարկել Կ.Պոլիս:

Ակումբի նախագահ Յուսուֆ Այդեմիրը նույնպես հաստատել է սկանդալային դեպքի մասին լուրը: