Մեկ շաբաթում Ադրբեջանը հրադադարը խախտել է 450 անգամ

Մայիսի 18-ից 24-ն ընկած ժամանակահատվածում ղարաբաղաադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է շուրջ 450 անգամ: Այդ ընթացքում տարբեր տրամաչափի հրաձգային զինատեսակներից թշնամին հայ դիրքապահների ուղղությամբ արձակել է ավելի քան 3000 կրակոց:

Հրադադարի ռեժիմի վերոհիշյալ խախտումներից բացի՝ հակառակորդը մայիսի 21-ի լույս 22-ի գիշերը ղարաբաղաադրբեջանական զորքերի շփման գծի հարավային ուղղությամբ ձեռնարկել է դիվերսիոն հետախուզական ներթափանցման փորձ:

Պաշտպանության բանակի դիրքապահ ստորաբաժանումները, ժամանակին հավաստանշելով ադրբեջանական գրոհայինների առաջխաղացումը, դիմել են հակազդիչ գործողությունների և նրանց հետ շպրտել ելման դիրքեր: Նահանջի ճանապարհին թշնամին տվել է առնվազն 3 վիրավոր: Արցախյան կողմը կորուստներ չի ունեցել: