Վարչապետը ստվերում գործող գործարարներին մինչեւ հուլիսի 1-ը ժամանակ է տվել

Կառավարության այսօրվա նիստում վարչապետ Հովիկ Աբրահամյանը հայտարարեց, որ երեկ հանդիպել է հայաստանյան գործարարների հետ: Հանդիպման ընթացքում սահմանվել են խաղի ընդհանուր կանոններ եւ ձեռք է բերվել պայմանավորվածություն, որ բոլորը պետք է աշխատեն հավասար պայմաններում եւ դուրս գան ստվերից:

Մինչեւ հուլիսի 1-ը գործարարներին հնարավորություն է տրվել դուրս գալու ստվերից եւ նորմալ աշխատելու: Ֆինանսների նախարարությունը վարչապետի հանձնարարականով կհետեւի, որ այդ գործընթացը նորմալ անցկացվի:

Ըստ վարչապետի` գործարարները պետք է պահպանեն խաղի կանոնները, իսկ եթե չպահպանեն, ապա կառավարությունն իր լծակներով կստիպի անել դա: