Ո՞վ է տեսել նման բանակցություն, երբ դու հաղթող կողմ ես, բայց հանձնում ես ազատագրած տարածքները

ԱԺ ԲՀԿ խմբակցության պատգամավոր Վահան Բաբայանը ֆեյսբուքյան իր էջում գրել է. «Ուորլիքի երեկվա հայտարարությունը ևս մեկ անգամ ապացույցն է այն բանի, որ մեր երկրի արտաքին քաղաքականությունը ձախողված է։ Հատկանշական է նաև, որ ՀՀ ԱԳՆ-ն մինչ այս պահը չունի նույնիսկ մեկնաբանություն։

Պարզ է, որ մեր արտաքին գերատեսչության վիճակը նախանձելի չէ այն դեպքում, երբ մեզ առաջարկվում է զիջել ամեն ինչ ոչինչի դիմաց: Ո՞վ է տեսել նման բանակցություն, երբ դու հաղթող կողմ ես, բայց հանձնում ես ազատագրած տարածքները, իսկ դրա դիմաց ստանում ժամանակավոր միջանկյալ կարգավիճակ: Ուորլիքը, կարելի է ասել, սեղանին դրեց Հայաստանի կապիտուլյացիայի մասին պակտի սցենարը, ընդ որում հենց այն օրը, երբ մեր բանակը 22 տարի առաջ ազատագրեց Շուշին»: