Կառավարության անպատասխանատու անդամի հետ մեր ճանապարհները կբաժանվեն. Հովիկ Աբրահամյան

Կառավարության այսօրվա նիստը Հովիկ  Աբրահամյանը սկսեց հայտարարությամբ: Նա  նշեց,  որ կառավարությունն  ամբողջությամբ արդեն ձևավորվել  է,  ինչի համար շնորհավորեց  կառավարության անդամներին` մաղթելով նրանց բեղմնավոր աշխատանք, ապա անդրադարձավ  կառավարության ծրագրին:

Հիշեցնելով,  որ, ըստ Սահմանադրության, նոր կառավարությունը 20 օրում պետք է ներկայացնի իր ծրագիրը, վարչապետը հույս հայտնեց, որ այն պետք է լինի իրատեսական, և փոփոխությունները չպետք է լինեն ինքնանպատակ:

Նա ասաց, որ տեղյակ է նոր կառավարության  ծրագրի կազմման աշխատանքներին, քանի որ Արմեն Գևորգյանը պարբերաբար զեկուցում է այդ աշխատանքների ընթացքի մասին, և շեշտեց, որ կառավարության  յուրաքանչյուր  անդամ պատասխանատու է ծրագրի կատարման և արդյունքների համար:

«Կառավարության այն անդամը, որը չի լինի պատասխանատու, նրա հետ մեր ճանապարհները կբաժանվեն, որքան էլ մենք իրար հետ երկար ճանապարհ անցած լինենք»,- ասաց Հովիկ  Աբրահամյանը: