Ռուսաստանի կառավարությունը 2 մլրդ ռուբլի կծախսի, որ երեխաները հանգստանան Ղրիմում

Ռուսաստանի կառավարությունը երկրի մարզերին կտրամադրի մոտ 1,87 մլրդ ռուբլի՝ երեխաների հանգիստը Ղրիմում և Սևաստոպոլում կազմակերպելու համար: Այս մասին հայտնում է interfax.ru-ն:

Ռուսաստանի կրթության և գիտության նախարարության գնահատականով՝ Ղրիմի հանգստյան տները, առողջարաններն ու մանկական ճամբարներն այս տարի կընդունեն 120-130 հազար երեխայի:

Ընդհանուր առմամբ, Ղրիմի տարածքում կա 104 մանկական առողջարանային ճամբար, սակայն Ռուսաստանի արտակարգ իրավիճակների նախարարության գնահատականներով՝ դրանց գրեթե կեսը չի համապատասխանում Ռուսաստանում ընդունված հակահրդեհային պահանջներին: Մայիսի ընթացքում ԱԻՆ-ը ծրագրում է շտկել հակահրդեհային բոլոր թերությունները կամ ձեռնարկնել պրոֆիլակտիկ միջոցներ: