Երևանում 7 օրում 72 մեքենա է տարվել ՃՈ հատուկ պահպանվող տարածք

Ապրիլի 28-ից մայիսի 4-ն ընկած ժամանակահատվածում Երևանում իրականացված ծառայության ընթացքում ճանապարհային ոստիկանության ծառայողները ճանապարհային ոստիկանության հատուկ պահպանվող տարածք են տեղափոխել 72 տրանսպորտային միջոց:

Այդ թվում 11 վարորդ մեքենան վարել է ոչ սթափ վիճակում, 4 վարորդի նկատմամբ կազմվել է վարչական իրավախախտման արձանագրություն` երթևեկության ընթացքում ծխելու համար, 60 վարորդ տրանսպորտային միջոցը վարել է առանց համապատասխան փաստաթղթերի, իսկ 1 տրանսպորտային միջոցի վրա առանց համապատասխան թույլտվության տեղադրված է եղել գերհզոր ձայնային ազդանշան արձակող սարքավորում: Այս մասին հայտնում է ոստիկանությունը: