ՀՀԿ-ի խնդիրները սկսվեցին, Գրիգորիչն էլ հուզմունքից Բիշարյանին «պարոն»-ով դիմեց

ԱԺ նիստում այսօր պետք է քվեարկության դրվեր «Ակցիզային հարկի մասին» օրենքում լրացումներ ու փոփոխություններ կատարելու մասին օրինագիծը, որով մի շարք պատգամավորներ առաջարկում են թանկարժեք մեքենաները շքեղության հարկից ազատել:

Հինգ խմբակցությունների` ՀՅԴ-ի, ՕԵԿ-ի, ԲՀԿ-ի, ՀԱԿ-ի, «Ժառանգության» ղեկավարները հայտարարեցին, որ չեն մասնակցում այդ քվեարկությանը, ինչից հետո ԱԺ ՀՀԿ խմբակցության քարտուղար Հովհաննես Սահակյանը քսան րոպե ընդմիջում վերցրեց:

Ըստ երևույթին, ընդմիջման ընթացքում ՀՀԿ-ն պետք է կարողանա խորհրդարան բերել բոլոր հանրապետականներին, որպեսզի քվորում ապահովվի և օրինագիծն անցնի:

Նշենք նաեւ, որ նիստը վարում է ԱԺ նորընտիր նախագահ Գալուստ Սահակյանը: Հավանաբար, հուզմունքից շփոթված նա ասաց. «Պարո'ն…տիկի'ն Բիշարյան, խոսեք»: