Յանուկովիչը Ռուսաստան է տարել մոտ 32 մլրդ դոլար

Ուկրաինայի պաշտոնանկ նախագահ Վիկտոր Յանուկովիչը և նրա շրջապատը Ռուսաստան են տարել մոտ 32 մլրդ դոլար: Այդ մասին Financial Times պարբերականին տված հարցազրույցում հայտարարել է Ուկրաինայի գլխավոր դատախազի պաշտոնակատար Օլեգ Մախնիցկին:

Նա նշել է, որ Վիկտոր Յանուկովիչը, նախկին գլխավոր դատախազ Վիկտոր Պշոնկան և ՆԳՆ նախկին ղեկավար Վիտալի Զախարչենկոն այժմ Ռուսաստանում են։

«ՌԴ գլխավոր դատախազությունը հայտարարել է, որ չի արտահանձնելու Յանուկովիչին: Ուկրաինայի հետ համագործակցում են բոլոր երկրները, բացի Ռուսաստանից: Օպերատիվ վերջին տվյալների համաձայն՝ միայն  Ռուսաստան դուրս է բերվել  32 մլրդ դոլար»,- ասել է Մախնիցկին:

Ըստ նրա՝ այդ միջոցներով այժմ ֆինանսավորում են անջատողականներին: