Ցեղասպանության մասին ամեն մարդ իր «լեզվով» պետք է իր ասելիքն ասի. Նիկոլայ Ծատուրյան

Երեկ Կ. Ստանիսլավսկու անվան ռուսական դրամատիկական թատրոնում ներկայացվեց բեմադրիչ Նիկոլայ Ծատուրյանի` Ռիչարդ Կալինովսկու «Հրեշը լուսնի վրա» պիեսի հիման վրա ներկայացումը` նվիրված Ցեղասպանության զոհերի հիշատակին:

Yerkir.am-ի հետ զրույցում Ծատուրյանը նշեց, որ Ցեղասպանության հետ կապված ամեն մարդ իր «լեզվով» պետք է իր ասելիքն ասի:

«Ներկայացումը Ցեղասպանության մասին է, և շատ բան եմ ասում հենց այդ ներկայացման միջոցով: Աշխարհում շատ է բեմադրվել, առաջին անգամ այն բեմադրել եմ դեռ 2001-ին` «Մետրո» թատրոնում: Իսկ, առհասարակ, մի քիչ շատ չե՞նք տխրում, անընդհատ լաց ենք լինում, հերի՛ք է, հասկացա՛նք, պետք է գործել»,- ասաց նա: