Ուկրաինայում Հայոց ցեղասպանության 99-րդ տարելիցին նվիրված միջոցառումներ կանցկացվեն

Ուկրաինայում Հայոց ցեղասպանության 99-րդ տարելիցին նվիրված միջոցառումներ կկազմակերպվեն. հայտնում է AnalitikaUA.net-ը:

Հայ Առաքելական եկեղեցու ուկրաինական թեմի առաջնորդ` արքեպիսկոպոս Գրիգորիս Բունիաթյանը տեղեկացրել է, որ ապրիլի 24-ին Ուկրաինայի բոլոր հայկական եկեղեցիներում Հայոց ցեղասպանության զոհերի հոգեհանգիստը կմատուցվի:

 Ուկրաինայի հայերի միության նախագահ Վիլեն Շատվորյանը AnalitikaUA.net-ի հետ զրույցում նշել է, որ իրենք առանձնակի ուշադրություն են դարձնում Հայոց ցեղասպանության հարցին և դեռ շատ քայլեր ունեն անելու այդ ուղղությամբ»:

«Ցեղասպանության զոհերի հիշատակին նվիրված հուշարձանների տեղադրում ենք նախաձեռնել, իրականացվում են հայ ժողովրդի պատմության այդ ողբերգական էջը լուսաբանող թեմատիկ միջոցառումներ: Ուկրաինայի հայերի միությունը ամերիկյան կինոընկերությունների հետ է համագործակցում Հայոց ցեղասպանության մասին պատմող ֆիլմի ստեղծման ուղղությամբ»,-պատմել է նա: