Անակնկալ` Գյուլից. նոր կուսակցությո՞ւն է հիմնում

Երեկ Թուրքիայի նախագահ Աբդուլլահ Գյուլի հայտարարությունը մեծ աղմուկ էր բարձրացրել երկրում: Նա հայտնել էր, որ ապագայի հետ կապված քաղաքական ծրագրեր չունի, ինչը հանգեցնում էր այն մտքին, որ նախագահական ընտրություններից հետո նա հեռանալու է քաղաքականությունից:

Ըստ Haberler-ի՝ նախագահական ընտրությունների շրջանակներում Գյուլի և վարչապետ Էրդողանի ծրագրերը միմյանց չեն համապատասխանում, և լուրեր են տարածվել, թե Աբդուլլահ Գյուլը պատրաստվում է դուրս գալ «Արդարություն և զարգացում» կուսակցությունից: Պնդում են նաև, որ Էրդողանի կուսակցությունից դուրս գալը չի նշանակում քաղաքականությունից հեռանալ. Էրդողանի կուսակցությունում ունեցած ներդրման և փորձառության հիման վրա Գյուլը նոր կուսակցություն կարող է հիմնել: