«Ուլիս»-ն ընդհատեց անհաջողությունների շարքը

Ֆուտբոլի Հայաստանի բարձրագույն խմբի առաջնության 21-րդ տուրում «Ուլիս»-ը Կապանում մրցեց տեղի «Գանձասար»-ի հետ: Կարեն Բարսեղյանի սաները 6 անընդմեջ պարտություններից հետո  2 գնդակի առավելությամբ հաղթեցին մրցակցին: 12-րդ րոպեին մեքսիկացի Խոսե  Ալպուչենեն բացեց հաշիվը, որից 52 րոպե անց  նույն Ալպուչենեն 2-րդ անգամ գրավեց կապանցիների դարպասը:

Տուրի վերջին խաղում «Հրազդան» կենտրոնական մարզադաշտում մրցեցին «Ալաշկերտ»-ն ու «Բանանց»-ը: Այս խաղում գրանցվեց մարտական ոչ-ոքի: Թիմերը 2 անգամ գրավեցին միմյանց դարպասը: Ուչա Գոգոլաձեի` 39՛ և  Վալտեր Պողոսյանի 52՛ խփած գոլերի շնորհիվ Հոռնյակի սաները 2 գնդակի առավելություն ստացան մրցակցի նկատմամբ, սակայն 61-րդ րոպեին Նորայր Գյոզալյանը կրճատեց հաշվի տարբերությունը, որից 1 րոպե անց Միհրան Մանասյանը հավասարեցրեց այն: