Ընդունելի կըլնի. Առաքել Մովսիսյանը՝ Հովիկ Աբրահամյանի թեկնածության մասին

Այս հինգշաբթի օրը ՀՀԿ ԳՄ նիստից հետո կհայտարարվի ՀՀ նոր վարչապետի անունը: Ամենայն հավանականությամբ, նոր վարչապետ կնշանակվի Հովիկ Աբրահամյանը: Արդյո՞ք նա բոլորի համար ընդունելի թեկնածու է, ինչպես ավելի վաղ նշել էր ՀՀ նախագահ Սերժ Սարգսյանը: Yerkir.am-ը փորձել է այս հարցի շուրջ զրուցել ԱԺ ՀՀԿ պատգամավոր Առաքել Մովսիսյանի հետ:

«Ես հլը չգիտեմ` վարչապետն ով ա ըլնելու: Եթե Հովիկ Աբրահամյանը կլինի, իհարկե, ընդունելի կըլնի: Դուք իրա անունն եք տալիս, եթե Պողոսի անունը տված ըլնեիք, եթե ընդունելի չըլներ, կասեի՝ ընդունելի չի: Եթե Հովիկ Աբրահամյանը ըլնի, չեմ կարծում, որ վատ կըլնի: Էսքան տարի աշխատել եմ հետը, վատ չի էղե, ինձ թվում ա՝ ընդեղ էլ լավ կաշխատի»,- ասաց Առաքել Մովսիսյանը՝ չցանկանալով այլ հարցերի պատասխանել: