Մեր գրոհներն աննպատակ էին. Սևադա Արզումանյան

«Բանանց»-«Գանձասար» խաղից հետո հյուրերի գլխավոր մարզիչ Սևադա Արզումանյանը իր տպավորությունները ներկայացրեց լրագրողներին:

«Շնորհավորում եմ «Բանանց»-ին հաղթանակի կապակցությամբ: Առաջին խաղակեսն ավելի հաջող էր մեզ համար, սակայն վերջնամասում բաց թողած գնդակը կարելի է ասել ճակատագրական եղավ մեզ համար այս խաղում: Երկրորդ խաղակեսում մրցակիցը խաղային առավելությունը մտադրված զիջեց մեզ, որպեսզի խաղա հակագրոհների մարտավարությամբ: Այնուամենայնիվ, մեր գրոհները աննպատակ էին:

Ալեն Համբարձումյանի վնասվածքի հետ կապված` ոչինչ չեմ կարող ասել, իսկ Սամվել Մելքոնյանը վերականգնվել է: Մենք նրան հնարավորություն ենք տալիս խաղալու, սակայն նա խաղադաշտում չի դրսևորում լավագույն որակներ»,- ասաց մարզիչը: