Ադրբեջանցի պատգամավորը խոստացել է կտրել Ժիրինովսկիի ականջը (լուսանկար)

«Ժամանակակից Մուսավաթ» կուսակցության ղեկավար Հաֆիզ Հաջիևը խոստացել է «անձամբ կտրել Ռուսաստանի լիբերալ-դեմոկրատական կուսակցության ղեկավար Վլադիմիր Ժիրինովսկիի ականջը, քանի որ նա վիրավորել է ադրբեջանցիներին». հայտնում է haqqin.az-ը:

Հիշեցնենք, որ վերջերս Պետդումայում իր ելույթի ժամանակ Ժիրինովսկին հայտարարել էր, որ ադրբեջանցի ազգ գյություն չունի: «Ի՞նչ է նշանակում Ադրբեջանը` թարգմանաբար: Ազեր նշանակում է խազար, այսինքն՝ Կասպից ծով, բաջա՝ երկրամաս: Այսինքն` նրանք մարդիկ են, որոնք ապրում են Կասպից ծովի ափին: Ռուսերեն լեզվով՝ կասպիյցիներ: Ի՞նչ, հիմա դա ազգությո՞ւն է: Նրանք ուղղակի մարդիկ են, որոնք ապրում են այնտեղ, ինչպես, օրինակ, պովոլժցիները, վոլոգդացիները և այլն...»,- ասել էր նա:

Նշենք, որ Հաջիևը նույնը վերջերս սպառնացել է անել հայամետ դիրքորոշմամբ հայտնի ադրբեջանցի գրող Աքրամ Այլիսլիի հետ: