Պարտադիր բաղադրիչը հանելուց հետո օրենքն ընդունելի կլինի

Եթե «Կուտակային կենսաթոշակների մասին» օրենքից դուրս բերվի պարտադիր բաղադրիչը, ապա ժողովուրդը դեմ չի լինի օրենքին: Այս մասին ՍԴ-ում վերոնշյալ օրենքի վերաբերյալ նիստի ժամանակ ասաց դիմող կողմի ներկայացուցիչ, ԱԺ պատգամավոր Արծվիկ Մինասյանը` ի պատասխան դատարանի անդամներից մեկի այն հարցին, թե իրենք դեմ են ընդհանրապե՞ս օրենքի կիրառմանը, թե՞ պարտադիր բաղադրիչին:

Արծվիկ Մինասյանը հավելեց նաև, որ այդ դեպքում նույնիսկ իրենք բազմաթիվ առաջարկներով հանդես կգան և կհամագործակցեն օրենքի հեղինակների հետ, որպեսզի այն հնարավորինս բխի հասարակության շահերից:

Նիստն ընդմիջվեց, այն կվերսկսվի ժամը 15:00-ին: Շարունակվելու է հարց-պատասխան փուլը, դիմող կողմին հարցեր են տալու պատասխանողները: