«Ականջներդ կկտրեմ»-ը նախարարը փոխաբերական իմաստով է ասել. Վաչե Գաբրիելյան

Կառավարության աշխատակազմի ղեկավար-նախարար Վաչե Գաբրիելյանը ցանկանում է, որ բոլոր լրագրողներին  նույն ձևով, նույն ոճով ջուր առաջարկեն, այն ժամանակ կտեսնի, թե լրագրողները իրենց ինչ ձևով կպահեն: Այս մասին նա ասաց լրագրողների հետ զրույցում` պատասխանելով հարցին՝ կոռե՞կտ էր արդյոք բնապահպանության նախարար Արամ Հարությունյանի պահվածքը ակտիվիստների նկատմամբ:

«Պետք չէ մարդկանց հրահրել, որ նրանք ափերից դուրս գան»,- ասաց Վաչե Գաբրիելյանը:

Հարցին՝ նորմա՞լ է արդյոք նախարարի` «ականջներդ կկտրեմ» արտահայտությունը, նա պատասխանեց, որ Արամ Հարությունյանը դա փոխաբերական իմաստով է ասել:

«Դուք պատկերացնո՞ւմ եք, որ որևէ մեկը մեկ այլ մարդու ականջները կտրի: Դա, բնականաբար, ցավալի արտահայտություն է: Ես էլ եմ ցավում այդ արտահայտության համար, բայց պետք չէր նաև հրահրել»,- ասաց Վաչե Գաբրիելյանը: