Շախմատ. Լևոն Արոնյանը հավասարվեց առաջատարին

Մեկօրյա ընդմիջումից հետո այսօր Ռուսաստանի Խանտի Մանսիյսկ քաղաքում շարունակվեց շախմատի աշխարհի չեմպիոնի հավակնորդների մրցաշարը:

Այսօր տեղի ունեցան 7-րդ տուրի հանդիպումները:

Լևոն Արոնյանը սև խաղաքարերով մրցեց ռուս Սերգեյ Կարյակինի հետ և հաղթանակ տոնեց: Հատկանշական է, որ մրցաշարի առաջատար հնդիկ Վիշվանաթան Անանդը ոչ-ոքի խաղաց Սվիդլերի հետ, ինչը օգնեց Արոնյանին միավորներով հավասարվել նրան:

Մյուս պարտիաներում Կրամնիկը հաղթեց Մամեդյարովին, իսկ Անդրեյկինը՝ Թոփալովին:

Վաղը կկայանա 8-րդ տուրը, որի շրջանակում մեր շախմատիստը կմրցի Անանդի հետ: Հաղթանակի դեպքում Արոնյանը միանձնյա կգլխավորի մրցաշարային աղյուսակը:

Այս տուրից հետո շախմատիստների դասավորությունը մրցաշարային աղյուսակում այսպիսին է.

1 Անանդ՝ 4,5

2. Արոնյան՝ 4,5

3. Կրամնիկ՝ 4

4. Սվիդլեր՝ 3,5

5. Թոփալով՝ 3

6. Անդրեյկին՝ 3

7. Մամեդյարով՝ 3

8. Կարյակին ՝ 2,5