Վերջերս ՌԴ կառավարության հաստատած օրենքը նպաստելու է արտագաղթի` առանց այն էլ ահագնացող տեմպերին

«Իրատես de facto» թերթը գրում է. «Վերջերս ՌԴ կառավարության հաստատած օրենքը բավականին մեծ աշխուժություն է առաջացրել Հայաստանի գյուղական համայնքներում, որտեղ «խոպանչիների» թիվը մեծ է:

Ըստ այդ օրենքի՝ նախկին ԽՍՀՄ երկրներում բնակվող քաղաքացիները կարող են երեք ամսում հեշտությամբ ՌԴ քաղաքացի դառնալ, եթե հրաժարվեն սեփական երկրի քաղաքացիությունից: Գյուղերում ապրող մեր հայրենակիցները ոգեւորված են այս օրենքով, շատերն անգամ ընտանիքներով որոշել են լքել երկիրը. երիտասարդները` աշխատանքի, տարեցները՝ բարձր թոշակ ստանալու ակնկալիքով:

Արժե ասել, որ այս օրենքը նպաստելու է արտագաղթի առանց այն էլ ահագնացող տեմպերին: Ի դեպ, մեզ ծանոթ «խոպանչիներն» այս օրենքը «փրկություն» համարեցին, քանի որ Ռուսաստանի քաղաքացիություն ստանալու համար այլեւս քաշքշուկների մեջ չեն հայտնվի»:

Մանրամասն` թերթի այսօրվա համարում: