Մոտ 50 միլիոն դրամ` նախագծահաշվարկային փաստաթղթեր կազմելու համար

Վաղվա նիստում կառավարության հաստատմանը կներկայացվի Արագածոտնի, Արարատի, Գեղարքունիքի, Լոռու, Կոտայքի, Սյունիքի և Տավուշի մարզերում նախատեսված` առաջնահերթ հակահեղեղային միջոցառումների նախագծանախահաշվային փաստաթղթերի կազմման աշխատանքների իրականացման համար գյուղատնտեսության նախարարությանը 2014 թվականի առաջին կիսամյակում 50 միլիոն 650 հազար դրամ հատկացնելու որոշման նախագիծը:

Նախագծի նպատակը նախատեսվող հակահեղեղային միջոցառումների ծավալների ու դրանց արժեքների ճշտումն է, որի արդյունքում կկազմվեն Արաքս, Քասախ, Գեղարքունիք, Գավառագետ, Հրազդան, Կավարտ, Հովվաջուր գետերում, Բռնակոթի և Վերիշենի հեղեղատարներում հակահեղեղային աշխատանքների նախագծանախահաշվային փաստաթղթերը միայն:

Այս որոշման նախագծի ընդունման անհրաժեշտությունը, ինչպես նշվում է ներկայացվող նախագծում, պայմանավորված է նախատեսված հրատապ միջոցառումների նախագծանախահաշվային փաստաթղթերի կազմման աշխատանքների ապահովմամբ: