Դատարանը մերժեց Զարուհի Փոստանջյանի հասցեին հնչեցված սպառնալիքների վերաբերյալ դիմումը

2014 թ. մարտի 4-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը մերժեց ՀՔԱ Վանաձորի գրասենյակի նախագահ Արթուր Սաքունցի կողմից ՀՀ հատուկ քննչական ծառայության հատկապես կարևորագույն գործերի քննիչ Մ. Ա. Բաբայանի՝ 2013 թվականի հոկտեմբերի 31-ի քրեական գործի հարուցումը մերժելու մասին որոշման դեմ ներկայացված դիմումը:

Հիշեցնենք, որ վերջինս մերժել էր քրեական գործ հարուցել ՀՀ սպորտի և երիտասարդության հարցերի նախարարի տեղակալ, «Հայոց արծիվներ» ՀԿ-ի ղեկավար Խաչիկ Ասրյանի կողմից ԱԺ պատգամավոր Զարուհի Փոաստանջյանի և նրա հարազատների հասցեին հնչեցված սպառնալիքների վերաբերյալ ներկայացված հաղորդման հիման վրա: 

Նշենք, որ փոխնախարարը սպառնալիքները հնչեցրել էր 2013 թ. հոկտեմբերի 10-ին Yerkir.am կայքին տված հարցազրույցում: 

ՀՔԱ Վանաձորի գրասենյակը պատրաստվում է դատական ակտը բողոքարկել ՀՀ վերաքննիչ քրեական դատարանում:

Մանրամասները` այստեղ: